Alam mo ba ang ibig sabihin ng apelyido mo?

Nung isang araw, napakwento ako sa isang kasamahan kong Intsik sa trabaho habang naghihintay ng resulta ng ginagawa kong pakulo sa laboratoryo. Napagdiskitahan ko ang family name niya. May kapareho kasi siya na Wu ang apelyido kaya pabirong itinanong ko kung magkamaganak ba silang dalawa. Hindi raw naman. Pareho ngang Wu ang apelyido nila kapag isinalin sa Ingles pero magkaiba naman daw ang bigkas at karakter nun kapag isinulat sa Intsik. Napangiti ako, sabay tanong kung ano ang ibig sabihin at kaibahan ng Wu niya sa Wu nung isa. Pinagtawanan niya ang tanong ko pero sinagot rin. Ang Wu daw niya ay may kaugnayan sa martial arts at Kung Fu, samantalang ang Wu nung isa ay hinugot sa bansag ng isang matandang kaharian sa Tsina. Humanga ako sa bilis ng sagot niya. Kapag ako kasi ang inurirat tungkol sa apelyido kong Narvaez ay wala akong maisasagot. Kailangan ko muna hanapin sa internet.

Hindi ako nakuntento, sinubukan ko pa siya. Inisa-isa ko ang mga apelyido ng iba pa naming kasamahang Intsik at hiningi ang kahulugan ng bawat isa. Mabilis lahat ang sagot. Di na niya kailangang magisip. Yung isa ang ibig sabihin daw ay “Dilaw”, yung isa ay “Matangkad”, yung isa ay “Oso”, yung isa ay “Salamat”, yung isa ay “Hari”, yung isa ay “Malamig”… Noong maubos ko na ang lahat ng pangalan ng kakilala kong Intsik, ako naman ang tinanong niya. Ano daw ang ibig sabihin ng apelyido ko? Pero hindi ko nga alam kaya natameme lang ako. Bagkus ay ipinaliwanag ko na lang na karamihan sa mga Filipino ay may apelyidong Kastila dahil naging kolonya ng España ang Pilipinas at sila ang nagbigay sa atin ng konsepto ng apelyido.

Ang corny di ba? Hindi naman kulay kastilaloy ang balat ko e bakit imported pa sa Iberian Peninsula ang apelyido ko? Sa totoo lang, inggit ako sa mga Pinoy na may apelyidong Tagalog (o Filipino) talaga ang pinagmulan tulad ng Dimaguiba, Bayani, Catacutan, Dimaano… Naging bida rin sana ako sa kuwentuhan nung araw na yun kung naging ganun ang apelyido ko. Kaso hindi e. Nakatatak na sa akin at sa mga magiging anak ko at mga magiging apo ko ang apelyidong ipinilit sa aking mga ninuno ng mga Kastila. Walang kabuluhan bukod sa pagiging apelyido na ibinigay sa atin ng mga dayo. Walang malalim na kasaysayan na maari kong ipagmalaki bilang isang Filipino. Isang apelyidong nagbibigay-pugay sa Kastila, hindi sa Filipino… Yan pang salitang “Filipino”, isa pa yan. Pero sa ibang blog post ko na lang yan titirahin at baka ma-overdose na tayo sa mga pag-aangas ko…

Natapos ang aming kuwentuhan dahil kailangan ko nang balikan ang inoorasan kong eksperimento pero di natapos ang aking pagiisip… Ikaw, alam mo ba ang ibig sabihin ng apelyido mo?

About these ads

8 Responses to “Alam mo ba ang ibig sabihin ng apelyido mo?”


  1. 1 duskfading Lunes 20 Oktubre 2008 bandang 2:43 hapon

    Ibang klase mga Intsik ano? Malupet ang kanilang sense of history at grabe ang reverence nila sa kanilang mga roots. ;)

    Ang alam ko, nung napansin ng mga Kastila na walang apelyido o sistemang pagkilanlan ang mga katutubong Pilipino noon, nagpasiya sila na ipahiram sa atin ang kanilang mga apelyido. Sa pagkakaalam ko, ginamit na pagbansag ang mga apelyido. Ang mga pobreng pesante o magbubukid, binigyan ng hindi kilala or pangit na mga apelyido. At ang mga mayayaman naman ay nabigyan ng apelyidong magaganda sa pandinig.
    —————
    Joe: Oo nga iba talaga pag di ka na-brain-wash ng dayuhan. Mas kilala mo ang iyong pinagmulan at mas may pagkilala ka sa sariling kasaysayan. Sa maliliit na bagay ito nakikita; tulad ng karunungan sa mga kahulugan ng mga apelyido.

    …kung ano man ang ibig sabihin nun, buti na lang hindi pangit sa pandinig ang nakuha ng mga ninuno ko na apelyidong Kastila hehehe.

  2. 2 aLps Huwebes 30 Oktubre 2008 bandang 11:51 hapon

    I know mine. Hehe. Ung akin ay isang uri ng kape. Hehe. Spanish din kasi surname ko. :)
    —————
    Joe: Cool! Meron ba sa Starbucks nyan? hehe

  3. 3 nold Sabado 1 Nobyembre 2008 bandang 12:07 hapon

    I’m sorry to hear that you dislike your apelyido but I could understand why. Our names were all hispanized, even the local ones were converted for documentation purposes. The names Quizon, Tecson, Dizon (almost all with -son or -zon) are Chinese (Fukien) names but since they wanted either marry A Filipina or engage in business and upgrade their status in the Filipino society, they adopted Hispanized names and were baptized as Catholics. I’m currently researching some of their hispanic culture/ties and found out a lot about them, dati noon ako’y batat-bata pa (at sobra ang pagka ideolista) tingin ko sa kanila mga dayuhan na nagnenegosyo dito kahit noon pang una – NGAYON I look at them different, they were, believe it or not more Filipino than some of our Filipino kababayan. I think we should all be careful that just because something is, that it is not belonging to the Filipino and that it is NOT Filipino. Filipino after all is not aborigine in nature but a multi-racial identity. In our country were the 1st FILIPINO saint is chinese and where the greatest hero and the 1st President is of Chinese blood, ako’y nagugulat na medyo magulo pa din ang opinyon natin kung ano ba talaga ang Filipino. Pasensia na bro mahaba yata ang litanya ko! mabuhay ka at salamat sa pagbisita mo sa site ko kopaminsan-minsan. Regards sa family mo diyan.
    ————–
    Joe: Thanks for passing by Nold.

  4. 4 lyndsay82 Martes 4 Nobyembre 2008 bandang 5:15 umaga

    wow, talagang makata! ako naman ay nabighani sa iyong talento!!! ako ngayon ay masugid mo nang tagasubaybay… :-)
    —————
    Joe: Maraming salamat lyndsay82! Bisita ka palagi.

  5. 5 yantrasiva Huwebes 13 Nobyembre 2008 bandang 2:37 hapon

    Sa family naman namin, pure chinese ang lolo ko, but during the war, hindi sila allowed to retain their chinese names for business purposes at the same time, ayaw ng mga hapon.

    So, ang nangyari is ni retain na nila ang family name ng lola ko. Ending, magkakaiba ng apelyido ang mga anak nila.

    Nakakatawa pero ganun talaga.
    —————
    Joe: Hehehehe ayus yang kwento mo ah. :)

  6. 6 nobodysgurl Biyernes 14 Nobyembre 2008 bandang 3:18 umaga

    ako di ko po talaga alam… ang weird kasi… hehehe.. try ko one time pag tuunan ng oras ang paghanap ng history at meaning nya… padaan po..
    —————
    Joe: Spanish din ba apleyido mo? Salamat po sa pagbisita! :)

  7. 7 JURCEL Biyernes 10 Hulyo 2009 bandang 5:31 hapon

    tinatakan tayo nagpagiging alipin ng mga hinayupak na mga dayung naghari-harian. ang tunay na pagiging Filipino ay isinasapuso, binubuhay ang alala sa pagaaral at pananalisik. magsisismula to sa mas malawak na pagsilip sa tunay na pinagmulan natin mula sa mga indigenous o mga katutubong lahi, ang mahalaga eh alamin natin ang tunay na kasaysayan, ang sarili nating kultura at tradisyon. and identidad ng tunay na Filipino.

    tunay na lahing kayumanggi ang apilyedo ko di bakas ang tunay na kahulugan nito pero nangangahulugan ito ng Tambuli na kabebe. pero ayaw kong maging pangalan namang iyon at manatiling kahulugan, gusto kung maging tinig ng lahing Filipino, gusto lumaya, gusto kung kumilos.
    —————

    Joe: Ikaw ay mapalad Jurcel! Nawa’y marinig at dumami ang tinig na gaya sa iyo.

  8. 8 megumi Huwebes 16 Hulyo 2009 bandang 7:33 hapon

    ,,,,,,,,,,,,,,,pahrehas pla ……………..tau……………….,,,,,,,,,,,,,,,,,,,,,,,,,,
    —————

    Joe: Musta! Ano ba ang apelyido mo?


Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s




THE BLOG AND THE AUTHOR:

...sapagkat ang gobyerno natin ay may "cash cow mentality" pagdating sa mga Overseas Filipino Workers.

(Read On "Milking the Cash Cow")

...sapagkat ako ay isa ring OFW; may mithiin, marunong magisip at nagnanais marinig... Makabagong bayani daw... Sa totoo'y tampok na gatasan ng pamahalaan. (English)

Subscribe to cashcow feed
Add to Technorati Favorites

RSS What’s new in Shuttercow?

Blog Stats

  • 111,981 hits
blogarama - the blog directory
Sali Na! Join the Pinoy Wordpress Bloggers Community!

Follow

Get every new post delivered to your Inbox.

Join 33 other followers

%d bloggers like this: